jo log jaan buujh ke naadaan ban gayemeraa Khayaal hai ki vo insaan ban gaye

ham hashr me gaye magar kuchh na puchhiye
vo jaan buujh kar vahaan anjaan ban gaye

hasate hai ham ko dekh ke arbaab-e-aagahii
ham aap kii mizaaj kii pahachan ban gaye

[arbaab-e-aagahii = intellectuals]

majhdhaar tak pahuchana to himmat kii baat thii
saahil ke aas paas hi tufaan ban gaye

insaaniyat kii baat to itanii hai shaiKh jii
bad-Qismatii se aap bhii insaan ban gaye

kaante bahut the daaman-e-fitarat me ai "Adam"
kuch phul aur kuch mere arman ban gaye..

koi hai jo khayalon me aane laga hai
jiski mohobbat ka nasha mujhpe chane laga hai....

ek dhundhla sa chehra hai nigahon me harpal
jo baadalon me chupkar mujhe satane laga hai...

jaane socha karta hai ye dil tanhayi me kise
kiske khayalon me ye waqt bitane laga hai....

kiski aankhen hai jo lagti jheel se bhi gehri
dil mera jinme doob jane laga hai.........

nahi rahi mohobbat ab aaine se mujhe
jabse aankhon me wo mera aks chupane laga hai....

lutt gaye hain dil k hatho ab kuch nahi baki
ek wo hai jo mujhe mujhse churane laga gai.....shilpi

khafa hai aaj mujhse mera yaar jane kyun

aa raha hai fir bhi mujhe uspe pyar jane kyun

hai mohobbat to usey mujhse bepanaah lekin

karta rehta hai mujhse takraar jane kyun

saamne aate hi nazrein fer leta hai mujhse

ban baithe hain uski nazar me gunehgaar jane kyun

yun to kai dost mile hain is duniya me hame

dil ban baitha hai usi ka talabgaar jane kyun

kuch aisa asar karti hai wo ek nazar unki

ho jate hain uski nazron ke shikaar jane kyun

mana ki nahi aayega wo laut kar mere paas

dil karta hai usi ka intzaar jane kyun..???

##shilpi##