khwahish

Chupke se dil me sama gaya koi
neend meri aankhon se chura gaya koi....

Ek arse se thi mujhe udne ki khwahish
pankh mere armaano ko laga gaya koi....

Band karnelagi thi jab main apni palkein
ek khwab meri aankho ko dikha gaya koi...

Bhatakti rahi aksar main apno ki chaah me
Mujhe apni aagosh me chupa gaya koi....

Ab to tamanna hai bas saath ka uske
ek sapna meri aankhon pe saja gaya koi....

Log kehte rahe ki patthar dil hai meri
aaj mom ki tarah mujhe pighla gaya koi..... shilpi

Sabse chupa kar dard jo hum muskura gaye
apni hansi se aaj sari duniya ko rula gaye.....

Dil se jo uth raha tha dard ka dhuan
yakin ho gaya tha ki sab kuch ganwa gaye....

Aansu dekhne ko mere tarasti rahi duniya
ashkon ka ek sailaab aaj unhe dikha gaye....

aawaz me thehrao tha aur aankhon me nami
is dard ke saath khud ko jeena sikha gaye...

kaise kahen ki lagi hai gehri chhot dil pe
ye haalaat hain ki har zakhm sehna sikha gaye....

Na karo aey doston ab mujhse wafa ki ummeed
hazaron ke bich hum khud ko tanha bana gaye..... shilpi