Jis ki aankhon mein bhi ashkon ki ravani hogi,
Dar haqeeqat wo mohabbat ki kahani hogi..
Woh jo bachpan mein hi lagta tha mujhe jadugar,
Kya sitam dhayega jab uss pe javani hogi..
...
Ishq karte ho to paighaam rasayi kaisi,
Pyaar ki baat na ghairon ki zubaani hogi..
Kal mujhe kehne lagi uss ke khaton ki khushbu,
Uss ki har yaad tujhe dil se bhulani hogi..
Khaak udatay hue galiyon mein voh phirtay honge,
Ghum ke maaron ki ye makhsoos nishani hogi...
No comments:
Post a Comment