Yaad aa gayi mujhe wo kahani aaj fir
Teri mohobbat ki di hui wo nishani aaj fir…

Tera saath chhut gaya hai barson pehle lekin
Hone lagi hoon main teri diwani aaj fir…. 

Tujhe pyar karne ki jo bhul hui mujhse
Yaad aa rahi hai khud ki wo naadani aaj fir…….

Jabse toot gaya hai mera ye pyar bhara dil
Duniya mujhe lagne lagi bemani aaj fir….

Jaane kyon gumm ho jati hu yaadon me teri
Ye dil karne laga hai manmani aaj fir….

Ab koi nahi mere aansu pochne wala
Ye moti ban ne lage hain pani aaj fir……..shilpi

Meri zindagi kisi aur ki,

]mere naam ka koi aur hai.

        Mera aks hai sar-e-aaina,

        Bas-e-aaina koi aur hai.

 

Meri dhadkano me hai chaak si,

Ye judai bhi hai milap si.

        Mujhe kya pata mere dil bata,

        Mere sath kya koi aur hai.

 

Na gaye dino ko khabar meri,

Na sharik haal-e-gazal meri.

        Tere desh me mere bhesh me,

        Koi aur tha koi aur hai.

 

Wo meri taraf nigeraan rahe,

Mera dhyan jane kaha rahe,

        Meri aankh me kai surate,

        Mujhe chahta koi aur hai.

Ho sake to.........

Rakh lu aankho me umra bhar k liye

paas mere kuch pal guzar sakte ho

 

lagae ped maine chahat ke

tumhe hak hai Ukhad sakte ho.

 

Chaho to rakh lo hifazat se

Nahi to kavita hai, faad sakte ho

 

Mai nahi kahta ke mujhe chaaho hi,

Is par kuch soch vichar sakte ho.

 

Ye rista na hoga mujhse dafan

Tumse gar ho to gaad sakte ho….